Godrej Agrovet Ltd chuan Mizorama oilpalm chin atanga oil an herchhuah metric ton 7000 vel an thawnchhuak tawh.
Thudawn danin, Godrej Agrovet Ltd hian Kolasib leh Mamit district-a oilpalm farmer-te tharchhuah oilpalm rah, FFB (Fresh Fruit Bunch) leisakin, kum 2012 atang khan Bukvanneia oilpalm mill an bunah oilpalm hriak sawrin an her thin a. Hetianga hriak (crude palm oil) an herchhuah hi hriak ei chi (edible oil) atan tank lorry hmangin Kolkata-a a thlirfimna hmun an neihah thawn thlak thin a ni.
Godrej Agrovet Ltd hian farmer-te tharchhuah oilpalm rah (FFB) hi kumtin cheng nuai 700- 800 man vel an leisak thin a, heti chung hian Bukvanneia an oilpalm mill chawm zo khawp farmer-te tharchhuah FFB hi an duh anga tam lei tur an la nei lo tih an sawi.
Hetianga khawl hmanga oilpalm rah atanga hriak an her hi kum 2014 atang khan thawnchhuak tanin, tun thlengin metric tonne 7000 vel an thawnchhuak tawh a, heng oilpalm hriak hi Kolkata-a refinery hmunah tank lorry-a kalpui thin a ni.
Oil palm MT 7000 thawn tawh
