Tawhlehni leh Nilaini zanah UEFA Champions League last 16 – first leg khelh a nih hnuin, zanin hian UEFA Europa League last 16 playoff khelh chhunzawm a ni ve leh dawn. Zanina inkhel pariat zet awm tur zingah Old Trafford-a Manchester United leh Barcelona inhmachhawn tur chu inkhel ngaihven hlawh a ni dawn.
Manchester United leh Barcelona te hi chawlhkar liam ta khan Spotify Nou Camp-ah an lo inhmachhawn tawh a, 2-2 in an inhnehtawk. Nou Camp-ah tlawm an pumpelh vangin United hi an mualah chak tura rinkai zawk an ni a. Last 16 lut turin an dinhmun a tha zawka ngaih a ni. United forward Marcus Rashford chu forward zingah tunlaia chetha tluang ber a ni a. La Liga-a hmahruaitu Barca tan Rashford hi ven uluk ngai, dan harsa tura ngaih a ni. La Liga lama goal thun thei tak Robert Lewandoski pawh EPL club lian tan ven uluk a ngai viau tura ngaih a ni bawk.
Manchester United leh Barcelona te hi zan lai dar 1:30-ah an inkhel tan ang.
Zan dar 11:15-ah Serie A club lian Juventus leh Nantes an inhmachhawn dawn bawk a. Anni hi Juventus mualah goal awm lovin an lo inhnehtawk tawh a. Mimuala inlan tur an nih vangin Juventus dinhmun a derthawng zawka ngaih a ni.
Old Trafford-ah Barcelona
