Olivia Rodrigo-i’n $2M charity-ah thawh

Olivia Rodrigo-i’n $2M charity-ah thawh
Olivia Rodrigo chuan Guts World Tour atanga a sum hmuh atangin dollar maktaduai hnih chu khawvel hmun hrang hranga midangte tanpui nan charity-ah a thawh a, a sum thawh hi hmeichhe chanhai leh puih ngaite chhawmdawl hna thawktu Fund 4 Good-ah a chhung lut.
A sum thawh hi zirna lama sum leh pai avanga harsatna tawk hmeichhia te leh tharum thawhna avanga harsatna tawk hmeichhia te tanpui nan te hman a ni dawn a, hetiang lama thawktu pawl hrang hrang 10 hnenah Fund 4 Good kaltlangin hlan a ni ang.
Olivia Rodrigo hian a album pahnihna, Billboard 200 (albums) chart-a No.1 kai thei ‘Guts’ support nan Guts World Tour hi kumin February khan nei tanin, thla riat chhungin America bakah Asia leh Europe te a fang hman a ni.