Olivia Rodrigo hla hit ‘Stupid Song’ chu Billboard Global 200 chart-ah a No.1 a, a zawnin he chart-ah hian kar hnih a No.1 tling ta. Hetihrual hian a vawi khat nan Shakira leh Burna Boy “Dai Dai (FIFA World Cup Official Song 2026)” pawh top 10-ah a lang ve ta bawk.He chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (ad-supported leh subscription audio leh video music services) leh download sales te chu tehna pawimawh a ni.
Olivia Rodrigo “Stupid Song” hi kar khat chhungin stream 32% leh sales 46%-in tlahniam mah se stream maktaduai 45.9 leh sales 2,000 a la nei thei a, hei hi a kar hnih nan chart-ah a No.1 pui leh ta a ni.
Chart No.1 hlui Ariana Grande “Hate That I Made You Love Me” chu No.3 atangin No.2 a kai thar leh ta a, chart No.1 hlui bawk Michael Jackson “Billie Jean” pawh No.6 atangin No.3 a kai thar leh ta a, Rodrigo hla dang ‘The Cure’ chu No.2 atangin No.5-ah a tawlh a, a hla chart No.1 pawh lo ni tawh “Drop Dead” chu No.4 atangin No.5-ah a tawlh ta bawk.
Shakira leh Burna Boy “ Dai Dai (FIFA World Cup Official Song 2026)”-in stream maktaduai 35.2 neiin, No.20 atangin No.9-ah a invawrh a, Shakira tan he chart top 10-a lang thei hla pathum a neihna niin, Burna Boy tan a pakhatna a ni ve thung.
Billboard Global 200
Top 10:
1 Stupid Song – Olivia Rodrigo
2 Hate That I Made You Love Me – Ariana Grande
3 Billie Jean – Michael Jackson
4 The Cure – Olivia Rodrigo
5 Drop Dead – Olivia Rodrigo
6 Choosin’ Texas – Ella Langley
7 Dracula – Tame Impala & JENNIE
8 Swim – BTS
9 Dai Dai (FIFA World Cup Official Song 2026) – Shakira X Burna Boy
10 Beauty And A Beat – Justin Bieber Featuring Nicki Minaj
Olivia Rodrigo ‘Stupid Song’ a la lar ber
