2028 Olympics thlengtu tur Los Angeles khuaa piang American rapper Snoop Dogg chu nizan Paris Olympic Games 2024 opening ceremony-ah khan Olympic flame torchbearer pakhat a ni.
Kum 52 mi hian Paris khawpui hmar lama Saint-Denis kawtthlerah ‘torch’ hi a keng a, he lai hmun hi Stade de France Olympic Stadium dinna hmun a ni nghe nghe.
Olympic torch hian kumin May thlaa an zinchhuahpui atang khan France ram tluan a hrut a, mi chi hrang hrang keng kualtute zingah Arsenal manager hlui Arsene Wenger, Formula One driver Charles Leclerc leh actress Halle Berry an tel.
A hming tak Calvin Cordozar Broadus Jr. ni chunga a stage name Snoop Dogg tih larpuitu US artist hi a hmawrbawkna lama meichher kengtu langsar pakhat niin, Saint-Denis hmunah hian French actress Laetitia Casta leh French rapper MC Solaar-te pawhin meichher hi an hum ve bawk a ni.
Olympic torch kengtu zingah Snoop Dogg a tel
