May thla hi pi leh pute hun atanga ruah tam thla, to haw hun a ni a, |omir thla tih a ni reng a ni. Kuminah pawh |omir thlaah ruah a tam ngang mai!
State Meteorological Centre-a an chhinchhiah danin, kuminah |omir thlaah khan ruah tui mm 620a tla a, a tam hle. Nikum |omir thlaah khan ruah a sur nasa a, mm 519 a tla. Nikum |omir thlaa ruah tui tla zat kha a tam em em mai a, chu aia tam chu kumin |omir thlaah a tla a nih chu!
Chawhrualin kumin |omir thlaah ruah hi ni tin mm 20 a sur ziah ang a ni a, chawhruala laka hetiang zat hi tam tham tak a ni.
Amaherawhchu, kumin |omir thlaa ruah tam dan hi, thla tluanin a tam tihna a ni lo a, a tawpah tih tawk a awm tih ang deuhvin, thla tawpa a tla tlawrh! May ni 29, ni 30 leh ni 31-ahte khan a tam a, June ni 1-ah a tam bawk. May ni 29 hma lama ruah tui tla kha chu a tam tia sawi tur khawp a ni lo.
Nikum May thla tawpa ruah sur kha remal cyclone nena thawk dun a ni a, pi leh pute hun atangin thli tleh thla a ni. Kuminah thlipui a thawk lo hlauh.
Nikum |omir thla ni 28-ah khan ruah tui mm 205 a tla a, thla tluana tla zat chanve thuak a ni.
Kuminah ruah tui a tla har a, ruah hmasa ber pawh March ni 18-ah a sur chauh. Chu pawh mm 1.8 chauh a ni a, teh tham ngawr ngawr a ni. Hemi hnu March thla chhungin a sur zui miah lo bawk. May thla chawhnu lam atangin ruah hi a sur ta tak tak a, kumina ruah tui tam ber chu May thla chawhnu lama mi a ni tiin a sawi theih ang. State Meteorological Centre-in an chhinchhiah danin, kuminah January ni 1 atanga May ni 31 thleng khan ruah tui mm 750.4 a tla a, chung zinga mm 620 chu May thla chhunga mi a ni.
Kumin |omir thlaah ruah tui a tam a, mahse a tam ber thla a ni lo; 2017 June-ah khan mm 743 a tla a, 1991 May-ah mm 718, 1993 June-ah mm 638.6 a tla.
Tun hnai kum 10
chhunga |omir thlaa ruah tui tla zat
2025-ah mm 620
2024-ah mm 519
2023-ah mm 102.8
2022-ah mm 327.8
2021-ah mm 164.2
2020-ah mm 290
2019-ah mm 190.7
2018-ah mm 232
2017-ah mm 216.5
2016-ah mm 351.7
|omir thla, ruah tam thla
