One Direction hla hit ‘Story of My Life’ music video chuan kum khat a tlin hnu lawkah YouTube-ah vawi tluklehdingawn en a hlawh ve leh ta. He video hi November 2013 khan YouTube-ah an upload a, kum 10 a tlin hnu lawkah he mellung pawimawh hi a thleng zui ve leh ta nghal a ni.
Harry Styles, Zayn Malik, Niall Horan, Louis Tomlinson leh Liam Payne te chu he video-ah hian a tak rama an chhungte nen an inlan a, an naupan lai thlalak hrang hrangte an tilang a, hei bakah hian an thlalak hlui te chu an puitlin hnu a lak ang ten an tilang bawk.
He hla hi 2013-a an tlangzarh kha niin an album pathumna ‘MIdnight Memories’ atanga an singles a ni a, he album hi Billboard 200 (albums) chart-ah pawh No.1 kaiin, a hla pawh hi Billboard Hot 100 (singles) chart-ah No.6 a kai a, 2016-a an band an tihtawp hmaa an hla Hot 100 top 10 kai thei paruk zinga pakhat a ni.
One Direction hian music video YouTube-a vawi tluklehdingawn en hlawh thei hi pathum an nei tling ta a, 2011-a an debut single ‘What Makes You Beautiful’ leh 2015-a an video ‘Drag Me Down’ te pawhin vawi tluklehdingawn en an lo hlawh tawh a ni.
One Direction ‘Story of My Life’ music video-in 1B view a kai
