Hmeichhia ten internet vela mipa nen an inbiakpawhnaah an hmel leh landanah dawt an sawi tlang pui a, chutihlaiin mipa ten an hnathawh chungchangah dawt sawi an awlsam ve thung niin an sawi.
Hmel landan leh hnathawh chungchang hi online dating profiles-a mite dawt sawi awlsamna top 10-ah a lang ve ve niin survey neitu BeautifulPeople.com chuan an sawi a, anni hian kawppui nei lo mi 1,000-ah survey hi an nei a ni.
Internet-a dawt sawi lamah hmeichhia aiin mipa an nasa zawk a, mipa chuan an kum, san zawng leh rih zawng thlengin dawt sawi an awlsam niin an sawi.
Survey an neihnaah mipa 40% te chuan an hlawh tak tak aia tam hlawh angin an insawi a, hmeichhia-ah chuan 33% in an hlawh chungchangah dawt an sawi ve thung.
Milar te nena inhmelhriat anga sawi pawh mipa lamin hmeichhe hipna a nih ringin, hemi chungchangah hian dawt sawi an awlsam zawk a, hmeichhia te tan larna kawng kawhhmuh thei anga insawi theih te pawh an dawt sawi nasat top 10-ah a lang pha.
BeautifulPeople.com managing director Greg Hodge chuan, “An profile-ah dawt sawi mahse, midang profile te chu dik turah an ngai awlsam leh em em lawi si,” a ti.
Online a dawt sawi thin te
