Opposition MP te a bik tak Congress legislature party te chuan Lok Sabha Speaker Om Birla chu ‘hleihnei’ tia ngaiin alakah resolution kalpui mai tur em ni tiin an ngaihtuah tia sawi a ni a.
Thutlukna siam a la ni lo chungin Congress chuan opposition dang te pawh an be rawn mek tia sawi a ni a.
“India ramah tum hnih lai Speaker paih a nih theih nan resolution siam a ni tawh a, a hmasa ber chu kum 1954 khan niin a tum hnihna chu kum 1987 a Lok Sabha pariatnaah a ni thung” tiin Ravindra Garimella, Lok Sabha secretariat a joint secretary (Legislation) hlui chuan a sawi.
December 18, 1954 khan Lok Sabha Speaker G.V. Mavalankar lakah Bihar Socialist Party MP Vigneshwar Missir an a pulut a. Eng vanga resolution pu lut nge tih a chiang lo va, mahse, sawihona chu Lok Sabha Deputy Sepaker A. Ayyangar kaihhruainaa neih a ni.
A tum hnihna chu Apri 15, 1987 khan Speaker Balram Jakhar lakah kalpui a ni a, khatihlai khan a hnua Lok Sabha Speaker ni zui ta Somnath Chatterjee, CPI(M) MLA putluh niin Rajiv Gandhi sorkar Bofors laipui kaihhnawiha inthamna in a bawhbuai lai a ni. Sawihona pawh khatihlaia Deputy Speaker Thambi Durai an kaihruaiin a hnuah kum 2014-2019 han Modi sorkar hmasa berah khan Deuty Speaker a ni leh a ni.
Heng tum hnihah hian resolution chu a tlang lo ve ve a, sorkar in number a nei ngah tawh a, house ah majority neiin party lian fal nalh an nih vang a ni a. Mahse, speaker laka resolution kalpui hial chu thil duhawm lem lova ngaih a ni. Tun tum hian opposition te chuan thutlukna mumal an la siam lo chungin resolution putluh mai theih erawha ngaih a ni.
Opposition ten Speaker lakah resolution ngaihtuah
![](https://theaizawlpost.org/wp-content/uploads/tap_logo-min-large.jpg)