Turkish Osman Gurcu, kum 42, chuan mittuam chungin metre 20 (feet 65 leh inches 7) a hla atangin basketball hook shot record siamin, basket-ah a vawm lut chat a, mittuam chunga hook shot hla ber record a siam. A hmaa hetiang record chu feet 60 a ni. Hook shot chu kut pakhata ball vawm vaka basket-a ball vawm luh a ni mai.
Osman hi indoor basketball court-ah dingin, a mit a tuam a, hla taka ding chungin, a kut dinglamin ball chu a vawm ta vak a, basket-ah tak a vawm lut chat a ni. Osman chuan, “Ka naupan lai atangin trick shot vel hi ka tuipui tawh a, ball vawm lut hla thei ber te hi ka tuizawng a nia, engtikah emaw chuan record siam ve thei ila tiin ka suangtuah thin,” a ti.
Osman-a’n mittuam chunga basketball hook shot record siam
