Ozzy & Black Sabbath final show-in record siam

Ozzy & Black Sabbath final show-in record siam
July ni 5 a Ozzy Osbourne stage-a a perform tawpna tur ni tawha an sawi ‘Back to the Beginning’ chairty concert-ah khan dollar maktaduai 200 chuang an tuak ngah thei a, charity concert awm tawh zawng zawnga sum hmuchhuak hnem ber record an siam.
Ozzy Osbourne final stage performance atana musical director Tom Morello chuan a tirah he event-ah hian dollar maktaduai 140 vel an hmuchhuak thei niin Instagram-ah a tarlanga, mahse, a hnu deuhah dollar maktaduai 190 chuang a nih thu a post thar leh a ni.
Concert event huaihawttu leh an charity partner-te chuan he concert hi ticket nei mi 40,000 chuangin a hmunah an chhim a, hei bakah hian online atangin mi maktaduai 5.8-in an en niin an tarlang a, an sum hmuh te hi Birmingham Children’s Hospital, Acorn Children’s Hospice leh Cure Parkingson’s ten an insem dawn a ni.
Heng charity-te hian show ticket leh donation atangin he concert pual hian dollar sing tel theuh anmahni tawkin an hmuchhuak ve thei bawk a, Black Sabbat-in an thil hlui chi hrang hrang an thawh te an lo lilam sakna atangin an hmuchhuak nual bawk.
Kumin January thlaa Los Angeles kangmei tuarte chhawmdawlnana charity concert an buatsaih ‘FireAid’-ah dollar maktaduai 100 chuang an tuak ngah thei a, kha concert, darkar nga zeta reiah khan Billie Eilish, Lady Gaga leh Green Day te pawh an perform a nih kha.