Italian Serie A club lian Juventus chuan hrem an tuar nawn leh a, point 10 lai paihsak an nih vangin pasarihnaah an tlahniam a, Europa League pawh an khel phak rih lo.
Juventus hian bazarna atanga an hlawkna 60m euros vel bawr zet neiin an ziak a. Kum liam ta khan £220m vel bawr zet hloh anga chhut an nih bawk si vangin thil dik tawk lo anga lang hi chhui a ni. Hremna hmasaah chuan Juventus hi point 15 paihsak tur tih a ni phawt a., Italy-a Sport thuremna sang zawkin an thubuai hi chhui chiang leh phawt turin a ti a. Italy’s Olympic Committee (CONI) chuan Italian Football Federation (FIGC) in point 15 piahsak tura a tihna chu a hlip a, Old Lady an him rih.
An thutlukna hnawl a ni hi FIGG hian court sang zawkah an khing nawn leh a. Thuremna tihchhuah tharah Juventus hi point 10 paihsak an ni ta nge nge a ni. Point 10 lai paihsak an nih vangin Juventus hi pasarihnaah an tlahniam nghal a. Season tharah Europa League khel turin an tling phak rih lo. Point 10 paihsak an nih tur thu hi thawhtan zan khan puanchhuah a ni. Hrem an nih vanga boruak rit takin a del Juventus hi thawhtan zan vek khan Empoli lakah 4-1 ngawtin an tlawm a, an boruak a rit leh zual.
Point 10 lai paihsak an ni a, champions league an khel phak dawn lo nia a lan vangin Juventus hian an player tha an ch^n nual tura ngaih a ni a. Player langsar Paul Pogba, Wojciech Szczesny, Adrien Rabiot, Federico Chiesa, Angel Di Maria leh Dusan Vlahovic ten Juventus hi an chhuahsan tura ngaih a ni.
Pa 7-naah Juventus tlahniam
![](https://theaizawlpost.org/wp-content/uploads/tap_logo-min-large.jpg)