Mushroom (pâ) khawia hriatna zau zawk leh zirtirna tha kan hmuh theih nan Mushroom Centre, Mizoram Science Technology & Innovation Council (MISTIC) buatsaihin Innovation Facility Centre (IFC) hmunah pa khawitute tan kar khat awh an hriat tur tul hrilhhriat an ni dawn a, Thawhtanni khan Planning & Programme Implementation secretary Lalmalsawma Pachuau chuan a hawng.
Mushroom Centre MISTIC hi sawrkar laipuia Department of Biotechnology project fund hmuh atanga din a ni a. He project-ah hian CSIR-Institute of Himalayan Bioresource Technology (IHBT) Palampur, Himachal Pradesh nen an thawkdun a. CSIR-IHBT hian an mushroom technology hi MISTIC-ah pein, kumin March khan an scientist-te rawn zinin, training an rawn pe a ni. Mushroom Centre staff-te pawh May thla khan training in IHBT hmunah an kal a ni.
Training hi Mizo mipuiin mushroom (pâ) khawia kawng kawhhmuhtu leh eizawnna bul tan tura inpuahchahna kawngah hmanraw pawimawh tak a nih theih nana buatsaih a ni a. Pâ chi siam atanga a thar chhuah thleng inzirtir a ni ang. Shiitake leh Oyster Mushroom, Vitamin D pai tam, chaw tha leh hrisel zawk thlurbing bik tum a ni.
Training duh inziaklut an thathnem avangin kar hnih awh turin chhawng hniha ruahman a ni a. A kar khatna hian October 9-13 leh kar hnihna hian October 16-19 chhung a awh dawn a. Training chhuakte atang hian beneficiary thlangin, Mushroom Centre MISTIC-in enzuipui hna thawk tura ruahman a ni.
Pa khawitute zirtir belh dawn
