Reserve Bank of India chuan May 19 khan Rs 2,000 note chu pekchhuah tawh loh turin thutlukna siam a. Mahse, Rs 2,000 note te hi legal tender a la ni reng thung ang. RBI chuan mipuite chuan Rs 2000 banknote te chu an bank account-ah an dahluh thei ang a, bank branch tinah banknote dangin an thleng thei bawk ang a ti a. Bank a deposit hian tihdan thin pangngaia tih mai tur a ni a, engmah rokhawlhna siam a ni lovang. |um khatah Rs 2000 note te hi thleng duh chuan Rs 20,000 chin thleng theih a ni ang a, May 23, 2023 atangin thleng tan theih a ni ang a, September 30 thlenga kalpui tur a ni tiin central bank chuan a sawi bawk. RBI chuan bank tin te chu Rs 2000 denomination banknote te chu pechhuak tawh lo turin a hriattir zui nghal a ni. Read more