Pakistan’s Army chief Gen. Asim Munir chuan an ram politician te chu ‘tangrual sorkar democratic forces tin te telna’ siam tura ngenin Prime Minister hlui Nawaz Sharif an opposition party dang te chu coalition sorkar a awm theih nana thawhhopuia a sawmna chu a thlawp thu a sawi.
Pakistan inthlanah hian lung in tang mek Prime Minister hlui Imran Khan a Pakistan tehreek-e-Insaf (PTI) te chuan seat la tam berin 100 an la a, Pakistan Assmebly ah hian seat 265 awmah seat 255 result tichhuahah Khan party te chuan seat an la hnem ber a.
Sharif party Pakistan Muslim League-Nawaz (PML-N) te chuan dawtin seat 73 an la a, Pakistan Peoples Party (PPP) te chuan seat 54 la in, Muttahida Qaumi Movement (MQM) te chuan seat 17 an la a, poarty tenau dangin seat 11 an la bawk.
Sorkar siam turin National Assembly seat 265 awmah seat 133 neih a ngai a ni.
Gen. Munir chuan, “Pakistan diverse polity leh pluralism chu ram thatna duh rilru pu democratic forces tena unified government an siam thei a ni” tiin a sawi a.
Pakistan army te hi thiltithei tak niin kum 75 chhungin sipai te rorelna hun a tam zawk hial a, a bik takin security leh foreign policy ah thuneihna sang tak an nei a ni.
“Ramin sorkar ngialnghet a mamawh a, anarchy leh polarisation atanga kan kalsawn a ngai a, heng thil te hian mipui maktaduai 250 te hmasawnna tur a thlen lo. Inthlan hi chak leh chak lo awmna ringawt a ni lo a, mipui te duhdan tarlanna zawk a ni” tiin a sawi.
Army chief chuan Pakistan mipui te chuan Pakistan Constitution-ah rinna an nghah zia an tarlang a, chutiang chiah chuan political party te pawhin puitling takin inlungrualna awm theih nan hma an la zui tur a ni a ti bawk.
Hetihlai hian lung in tang mek kum 71 a upa Imran Khan chuan inthlanah chakna an chang tia sawiin mipuite chu PTI an vote avanga lawmthu sawiin an vote te chu tihchinpen a nih loh nana hmala zui zel turin a ngen bawk.
PTI Central Inofrmation Secretary Raoof Hasan chuan mipuite thutlukna zahlo leh namnul tumna a awm a nih chuan a sawhkhawk a na khawp ang tia sawiin thuneih chak te pawhin mipui te duhthlanna chu an zah tur a ni a ti bawk.
Tu nge sorkar siam dawn a la hriatchian theihloha coalition sorkar erawh ngei ngei ngai a ni thung.
Pakistan-ah party mala sorkar-na siam thei awm lo, sipai ten ngenna siam
