Pakistan-ah sorkar tur chiang ta

Pakistan a political party pahnih te chuan sorkar siam turin inremna an neih theih tak thu an sawi.
Pakistan Muslim League-Nawaz (PMLN) chu Pakistan Peoples Party (PPP) te chuan sorkar siamah an thlawp dawn tiin an puang a.
Party pahnih te hian 8 February inthlanah lung in tang mek prime minister hlui Imran Khan party an phak lo ve ve a ni.
Khan a party PTI te chuan coalition soakr siam tum chu ‘mipui duhdan ruksakna’ tiin an sawi nghal thung a. Inthlanah vote tihchingpen a awm ngeiah an ngai bawk.
Coalition siam an tum thu party pahnih tena ni ruk kaltaa an sawi hnuah engkim an tihfel tak thu an sawi chiang ta a.
PPP chairman Bilawal Bhutto Zardaro chuan, “Coalition sorkar chuan economic crisis siam\hat thupui berah a nei dawn” tiin a sawi nghal a.
Prime Minister hlui leh PMLN president Shahbaz Sharif pawhin economic leh harsatna hrang hrang chingfel turin hmalakpuiah a mipuite a sawm bawk.
Inremna ang chuan Sharif chu prime minister a ni leh dawn a, PPP hotu Asif Ali Zardari chu coalition te president vawrhchuhah tur a ni thung ang.
Prime Minister tur hian parliamentary vote paltlang a ngai a, February thla tawp lamah tihfel theih beisei a ni a. President thlanan erawh a hranpaa neih ngai a ni thung.
Pakistan inthlanah party mala sorkar thei an awm lo va, Imran Khan party chu chu thei lova siamin an awm a, mahse independent in an ding thung a, seat tam ber an la thung a ni. sorkar siam tura seat 169 turah seat 93 chauh an nei thei thung.
Chuvang chuan party lian ber pahnihna Nawaz Sharid kaihhruai PMLN leh PPP te chuan inthurualin sorkar an siam dawn taq a ni. PMLN te hian seat 73 an la a, PPP te hi pathumna niin seat 54 an la thung a, party tenau dang ten an thlawp tura ngaih a ni bawk.
Party pahnih te hian kum 2022 a Imran Khan paihthlak a nih theih nan khan an lo \angrual tawh bawk a. January 2024 khan Imran Khan chu state secret tiputru a puh niin kum 10 lung in tang tura tih a lo ni tawh thung.