Pakistan in Khan-a leh a kaihza vengtute bail theih loh turin ti
Kar hmasa lama Islamabad-a Imran Khan thlawptu an party mi tam takin nawrh an huaihawt hnuah Khan-a leh a kaihza vengtu hnai mi 94 te chu bail theih loh turin Pakistan sorkar chuan a ti.
Heng mite zingah hian Khan-a nupui Bushra Bibi, Khyber Pakhtunkhwa chief minister Ali Amin Gandapur te pawh an tel a, he thuchhuah hi thawhtanni khan sorkar chuan a chhuah a ni.
Nikum lam atanga inmung tawh Khan-a kaihhruai pawlte buaina thlen hi zual zelin, November 13 khan ram puma nawrh huaihawt turin ruahmanna an lo siam fel vek tawh niin, Pakistan chuan a sawi a. Hemi tihhlawhtlin nan hian November 24 atang khan hmun tam taka nawrh huaihawt niin, mi tam takin nunna chanin, hliam tuar tam tak an awm phah bawk.
He thila a meizanghlaptute chuan Pakistan police te chuan ngawrh taka an chhuizui hnuah Anti-Terrorism Court (ATC)-ah an rinhlelh hming 96 te chu an thehlut a, ATC chuan bail theih loh tura manna thupek a chhuah zui ta a ni.
Pakistan in Khan-a leh a kaihza vengtute bail theih loh turin ti
