Pakistan in naupang polio vei nei tam
Pakistan-a health authority-te chuan polio vei mi paruk dang an finfiah leh tawh tih an sawi a, kuminah hian naupang he hri kai hi mi 39 an tling tawh a ni.
Wild poliovirus type 1 (WPV1) vei hmuhchhuah tharte hi Balochistan-ah pathum, Sindh province-ah pahnih leh Khyber Pakhtunkhwa-ah pakhat an ni.
Naupangte zînga paralysis tichhe thei, natna hrik kai thei, polio chu kum tam tak chhung vaccine pek a nih hnuah khawvel pumah a bo tawha ngaih a ni a. Pakistan leh Afghanistan te hi a la awm chhunzawm zelna ram hnuhnung niin, he natna hi damdawi a awm lo va, natna kai avanga paralysis awm hi tihdanglam theih loh a ni.
‘Hei hi nu leh pa leh khawtlang zawng zawng tan harh tharna a ni tur a ni,’ tiin Pakistan Prime Minister’s Focal Person for Polio Eradication Ayesha Raza Farooq chuan tun hnai khan a sawi.
‘Paralytic polio case zawng zawng hian naupang za tam tak, ngawi renga poliovirus vei, an khawtlang pum huapa thehdarh thei an awm tihna a ni,’ a ti bawk.
Kumin hian Pakistan rama hri kai nasa ber province, Balochistan-ah hri kai 20 hmuhchhuah a ni tawh a, hemi hnu hian Sindh province-ah hri kai 12 an awm bawk.
Pakistan in naupang polio vei nei tam
