Peace Accord MNF Returnees’ Association (PAMRA) chuan Bangladesh atanga Mizorama raltlan Zohnahthlakte tan thuamhnaw chi hrang hrang truck trip khat Lawngtlai district-a Parva khua lamah an thawn.
Thawmhnaw hi Bangladesh Refugee Relief Committee Mizoram kutah PAMRA hian a hlan a, February 2 zing khan Aizawl an chhuahsan a, Lunglei district leh Lawngtlai district PAMRA ten raltlante tana thawmhnaw an lo khawnkhawm an la phei nghal dawn a ni.
‘Zalenna sual laia a serh zinga a mei ang, Mizo hnam sipaite lo tuamhlawm a, duat taka lo dawngsawngtute an nih avangin heng kan unau raltlante hi PAMRA chuan a lainatin a theihnghilh lo a. Kan theih tawk tlem hle mah se, kan theih chin chinah erawh heng kan unaute hi kan thlahthlam dawn lo. Mizoram sawrkar, Central YMA leh NGO hrang hrangten an ngaihsak zia kan hriatin kan lawm hle a ni,’ PAMRA Gen. Hqrs. chuan a ti.
Rajya Sabha MP Pu Vanlalvena’n raltlante thlavang hauh a, BSF-in tha taka lo dawngsawng tura Parliament House a hrilh avangin lawmawm an tih thu a sawi bawk.