Parliament chu rorel thei lova siam chhunzawm zela awmin BJP te chuan London-a a thusawia Indian democracy a beih avanga ngaihdam a dil lo a nih chuan Congress MP Rahul Gandhi-an House-a thu a sawi an remti dawn lo an ti.
BJP ten Cambridge University-a a thusawi avangin Rahul Gandhi ngaihdam dil tura an phut laiin opposition party te chuan Adani-Hindenburg chungchang chu Joint Parliamentary Committee chhui chian an phut ve thung a.
Inau buaina nasa tak thlengin chungte erawh ri pawna lama hriat a nih loh nana siam a ni thung a. Congress te chuan opposition leader te microphone chu an kaltir lo bik tia sawiin Prime Minister Narendra Modi chu an sawisel bawk.
“A hma pawhin mic te tihtawp a ni a, vawiinah pawh House proceeding laiin mic tihtawp a ni a. PM Modi thiante tan house chu mute a ni,” tiin Congress te chuan an sawi.
Rahul Gandhi chuan amah an puhna te chu House chhungah hun an pe a nih chuan chhan ngei a duh thu a sawi laiin BJP te chuan ngaihdam a dil hmasa tur a ni tiin an ngiat thung.
Union Minister Anurag Singh Thakur chuan Rahul Gandhi chuan a telna ngei parliament a tihmingchhia tia sawiin hei vang hian ngaihdam a dil tur a ni a ti a. Rahul chu thil kalphung leh kal dan te hre lova puhin, parliament procedure te pawh chhiar ngai lo leh parliament a rorelnaah pawh tel khat lutuk, dawt sawi reng mai niin parliament leh ram aia indah lian a ti a. BJP National President JP Nadda pawhin a sawiselna hle bawk.
Parliament House rorel thei lovin siam zui zel
![](https://theaizawlpost.org/wp-content/uploads/tap_logo-min-large.jpg)