Party induhsakna atan contract inpek loh duh

Contractor-te chuan party induhsakna atan contract hna hmang lo turin sawrkar an ngen tih an sawi.
Mizoram Contractors Association (MCA) thuchhuak chuan, Mizoram mellung phuntute zingah contractor-te chu kil khata lung pawimawh tak an ni a, thangthar zelte tan chhuan tlak hna tha thawk tura an inbeisei laiin, tute emaw contractor hmai tibal zawnga hna thawk an awm leh thin chu pawi an ti a, hetiang thil hi a awm tawh lohnan a theih chen chenah enpui theih zel an duh tih a sawi.
Mizoram sawrkar chu contract hna pek kawngah a hma zawng aia fimkhur turin a ngen tih sawiin, ‘Party induhsakna atan hmang loa, ram rotling thangtharte hnutchhiah tur thawk theitu thlang thin turin kan duh a ni,’ a ti.