Presbyterian Pastor Pension Fellowship (PPPF) chuan Tuikhuahtlang Presbyterian biak in Kohhran Hall-ah November 15 khan intawhkhawm tum 55-na an hmang.
Programme hi hun hniha then a ni a, intawhkhawmah hian pastor pension leh pastor pension tawh nupui 104 (mipa 59 leh hmeichhia 45) an tel a. PPPF-ah hian member 136 an awm mek.
Intawhkhawm hun hmasa hi PPPF chairman Rev C Rosiama kaihhruaia hman a ni a, PPPF secretary Rev Dr H Vanlalauva’n inlawmna thu a sawi a. Chawhma hunah hian “Kohhran nun hona leh rawngbawlna” tih thupui Rev Dr Lawmsanga ziah chu zirhoa sawiho zui a ni. Chawhma hunah hian ‘Tawn Hriat Bu 2-na’ lehkhabu chu Rev. Robawiha’n a tlangzarh a, he lehkhabuah hian mi 52-in an tawnhriat an ziah chu dah a ni.
Chawhnu hun hi PPPF vice chairman Rev. Dr. Zaihmingthanga’n a kaihruai a, sharing leh intihhlimna hun hman a ni.
Presbyterian Pastor Pension Fellowship-ah hian pastor pension apiang an tel zel a. Kumtinin intawhkhawm an nei thin a, infuihtharna leh inpawhtlanna hun an hmang thin a ni.
Pastor pension intawhkhawm
