Pawisa thir 39 leh thirhipthei 37 a dawlh
Sir Gangaram Hospital a doctor-te chuan tlangval kum 26 mi pum an zai a, hlawhtling takin pawisa thir (coins) 39 leh thirhipthei (magnet) 37 a kawchhung atangin an zai chhuak. He tlangval hi schizophernia patient a ni a, zinc a dawlh hian a taksa a siam sek thei dawn niin a ngai a ni awm e! He damlo hi Delhi a cheng a ni a, doctor ten an zai atanga ni hnih hnuah damdawi in atangin a chhuak ve leh ta niin Times of India-in a tarlang a, doctor te chuan that lam a pan zel niin an sawi.
Senior consultant, laparoscopic, laser & general surgery Dr Tarun Mittal chuan he tlangval coins dawlh hi Re 1, Rs 2 leh Rs 5 vek a nih thu sawiin, a magnet dawlh 37 te hi zianze hrang hrang, a sawl deuh te, arsi lem ang deuh te leh kil thum nei leh a mum te niin a sawi.
Doctor ten damlo hi a thil dawlh chu eng vanga dawlh nge a nih an zawh chuan, coins a awm zinc chu a taksa siam nan a that a rin vanga dawlh a nih thu a sawi a, magnet a dawlhna chhan chu a coins dawlh te a ril-ah an beh ngheh theih nan leh, a rilin coins atanga zinc an hip chhuah that theih phahna tur ni a ngaih vang niin a sawi.
Dr. Mittal chuan, “Hetiang thil dawlh hi nunna atan pawha hlauhawm thei a nih avangin a tih a tih chhin reng reng loh tur a ni,” a ti.
Pawisa thir 39 leh thirhipthei 37 a dawlh
