Mizoram State Information Commission (MSIC) puihna-in PC party chuan Inrinni khan an office-ah Right to Information Act an zir.
RTI leh dan remchang hmanga sawrkar khalhngil a, opposition party tangkai ber nih tumin PC party hian hma a la a. MSIC nen tangdunin an party office-ah RTI Training hi buatsaihin, MSIC deputy secretary Lily chu resource person a ni.
A kum telin mimal, pawl leh a dangte atangin RTI dan behchhana sawrkar kalphung leh hnathawh dan chungchanga thil hriat duh zawhna an dawn hnem rualin, RTI dan hnuaia bung leh chang leh dan tesep chu a thara siamrem leh siamthat a nih reng avanga inzir peih a tul tih MSIC deputy secretary hian a sawi.
PC party-in RTI zir
