Peace City chhunga Greenfield
City tur ruahman chhin an pawm
Core Committee on Thenzawl Peace City chu an chairman, chief minister Lalduhoma hoin an thukhawm a. Thenzawl Peace City huamchhunga Greenfield City proposal siam mek an thlirho.
UD&PA secretary Lalmalsawma Pachuau chuan SASCI-ah Urban Planning Reforms hnuaiah tinzawn bik neia (thematic) Greenfield City kalpui theihna component cheng vaibelchhe 150 vel hmuh theihna a awm a, inelna (on challenge mode) atanga hmuh tur a ni, tiin, Thenzawl Peace City huamchhunga Tourism leh AH & Vety department ram behchhanin he fund hmuh theihna tur, Greenfield City proposal hi duan a ni tih a sawi a ni.
Thenzawl Peace City master plan siamtu tura thlan IPE Global mithiamten Greenfield City proposal hi a lem nena entirin an sawifiah a. An ruahmanna siam hi Core Committee hian a pawmsak a, Ministry of Housing & Urban Affairs-ah thehluh a ni ang.
Peace City chhunga Greenfield City tur ruahman chhin an pawm
