Al-Nassr striker Cristiano Ronaldo chuan football khelmual chhungah nungchang mawi a lantir leh a, Thawhtanni zing AFC Champions League Group E match-a Iranian club Persepolis nen goal awm loa an inhnehtawkna inkhelah a penalty hlawhchhuah chu sut leh turin referee a ngen hlawhtling!
Kum 38 mi hi inkhel tan atanga tuibur hmuam da pawh tling loah Iranian defender chetna avangin box chhungah a tlu a, Chinese referee Ma Ning chuan penalty a ham zet a, Portuguese superstar hian a tluk dan kha penalty hlawh-chhuahna chi nia a ngaih loh avangin re-feree hnenah a thu-tlukna sut leh turin a ngen a, Ning-a hian khelmual sira ‘monitor’ an dah atangin thil thlen dan a va enfiah a, Ronaldo ngen angin penalty a lo ham tawh chu a sut tha ve leh mai bawk a!
Video assistant referee puihna leh Ronaldo rinawmna avangin Persepolis chuan an mikhualna hmunah point khat an hlawhchhuah theih phah a; minute 17-na leka Al Nassr player Ali Lajami hnawhchhuah a ni chungin Iran team-in a tam zawk nihna an hlawkpui zo lo.
Riyadh khaw inkhel nghah kher ngai loin Saudi Pro League club Al-Nassr kha knockout stage lut tawh an ni a; match nga an khelh tawh atanga point 13 hum chungin Group E hmahruaitu an nih chhunzawm zel a, an hnuai chiaha pahnihna luahtu Persepolis lakah point nga bawkin an sang chhunzawm zel.
Penalty pek loh ngentu Ronaldo!
