Mizoram sawrkar hnathawk pension hun kum 62-a tihsan rawtna chu a tawp thlengin an dodal zel dawn tih Mizo Students’ Union chuan an sawi.
MSU Gen. Hqrs thuchhuak chuan, FMGE&W-in March 6 & 7-a pen/tool down strike a neih tur chungchangah retiring age kum 60 atanga kum 62 tihsan chu a tawp thlengin a dodal zel dawn a, a tul dan azir zela hma lak a tum tih a sawi.
Kumin February 6 khan deputy chief minister Pu Tawnluia hnenah retiring age tihsan hi MSU chuan state sum dinhmun leh thalaite hna hmuhna kawngah harsatna a thlen theih dan hrerengin, tihlawhtling lo turin a lo ngen tawh tih a sawi.
Hei bakah hian zirlaite fee sawkar revenue-a chhun luh chu tihtawp a nih a, College Development Fund atana hman a nih theih nana 2022 October 20-a MSU-in sawrkar thuneitute hnena a lo thlen tawh angin, Assembly Session Demand for Grants 2023- 2024 a CM Budget Speech-a a taka hmuh tur a awm chu lawmawm a tih thu MSU hian a sawi.
Kum 2017-a college zirlaite tana study tour/excursion-na tur Mizoram budget-ah dah nise, tia MSU-in sawrkar hnena a thlen anga kumtin dah a la ni leh kumin atana cheng nuai 50 dah a ni chu lawmawm a tih thu sawiin, ‘Mizo zirlaite tana a hmalaknate min ngaih pawimawhsak thin avangin zirlaite aiawhin Mizoram sawrkar chungah lawmthu kan sawi a ni,’ a ti.
Pension hun tihsan rawtna dodal zel
![](https://theaizawlpost.org/wp-content/uploads/tap_logo-min-large.jpg)