Lengpuiah Krishi Vigyan Kendra (KVK) Mamit District, Lengpui leh HIL (India) Limited (Hindustan Insecticide Limited) tangdun chuan him zawka pesticides hman dan him leh integrated pest management (IPM) chungchang inzirtir a ni.
Training-ah hian district agriculture officer (DAO) Mamit T Lalhmingmawia leh divisional horticulture officer Mamit district B Lalchamliana ten an hmanpui a. HIL India atangin Partha Pratim Pradhan leh Ashok Kumar Jarwal ten agriculture damdawi hman fimkhur chungchang an sawi. Agriculture damdawi hman dan leh fimkhurna tur chungchanga loneituten an hriat tur zir ho a ni a, subject matter specialist (Plant Protection) Dr Vanlalhruaia leh SMS Agromet (DAMU) Lalmalsawmi ten zirtirna an pe.
Loneitu mi 250 aia tam an tel a. Natural farming chungchang zirho nghal niin, subject matter specialist (Horticulture) Vanlalhmuaka Ngente chuan zirtirna a pe a, thlai chi tam tham tak loneitute hnenah sem a ni bawk.
Pesticides hman dan him inzirtir
