Petrol leh Diesel atangin chhiah cheng vaibelchhe 46 chuang hmu tawh
2024 October atangin Mizoram sorkarin petrol leh diesel atangin chhiah (cess), Social Infrastructure and Services Cess tia vuahin a la a, cheng vaibelchhe 46 chuang a ni tawh.
Budget Session neih mekah Tuivawl bialtu Lalchhandama Ralte zawhna, ziaka chhan chi chhangin chief minister Lalduhoma, finance changtuin petrol leh diesel atanga chhiah (cess) hmuh zat hi a sawi a ni.
2024-2025 (2024 October atanga 2025 March) chhungin Rs 13,25,12,578.00 hmuh a nih thu leh 2025-26 (2025 April atanga 2025 December) chhungin Rs 33,43,59,748.00 hmuh a nih thu House a hrilh.
Sum hmanna pawh House a hrilh a, health & family welfare atan cheng nuai 300.00, social welfare atan cheng nuai 225.00, women and child development atan cheng nuai 75.00, higher & technical education atan cheng nuai 150.00, school education atan cheng nuai 150 pek a nih thu a sawi a ni.
Road maintenance chungchangah BE 2025-26-ah Mizoram State Road Fund Board hnuaia kawng siam nan cheng vaibelchhe 15 dah a nih thu a sawi bawk.
Petrol leh Diesel atangin chhiah cheng vaibelchhe 46 chuang hmu tawh
