Phaitual badminton inelna liana semi-final lut pha Mizo team
Yonex-Sunrise 47th Junior National Championship 2024 chu November ni 19-25, 2024 chhung hian Bhubaneswar, Odisha-ah khelh zawh a ni dawn a; nimin leh vawiin bik hi team championship inelna atana dah niin, team championship khelh zawh ni 21 atanga ni 25 chhung hian open championship chhunzawm a ni ang.
Team championship-ah hian North East Inter-State Championship 2024-a champion Mizoram Under – 19 Boy’s Team chu a vawikhatna’n an inlan a, an match hmasaberah nimin khan Chattisgarh Boy’s Team hnehin, a hnu lama semi-final an khelh result erawh tarlan hman a ni lo.
Badminton Association of India (BAI) buatsaih he tournament lian hi junior category bik inelnaah chuan Indian badminton-a ngaihhlut ber niin, India top player-ho an kim hle.
Team event leh open category-a inelna kal mek team event bikah Mizoram Boy’s Team-te hi a vawikhatna’n an inlan a, semi-final hial an lut pha tih chin thleng kan chhawpchhuak thei rih.
India ram hi BAI chuan zone parukah a then a, chu’ng zone tina team champion-te chuan team event hi khelin, tarlan tak angin, Mizoram Boy’s Team pawh hi NE Zone champion an nih anga inlan an ni.
Tunhma lamin national level team championship-ah Mizoram hi eng category-ah mah an la inlan pha ngai lo a, tunah erawh chanchin a danglam ta!
Kumina North East Zone Junior champion Mizoram team-te’n Mizoram badminton tan history ngaihnawm tak an ziak chho zel e.
Mizoram aiawha fehchhuak Mizo shuttler-te hi coach Lalruatpuia leh mmanager AC Zonunmawia, finance secretary, MBA-te’n an hruai.
Mizoram Badminton Association chuan hriselna tha nei tur leh a tha thei ang bera tournament hmachhawn thei turin duhsakna a hlan tih thuchhuah siamin an tarlang.
Junior National Championship 2024 khela fehchhuak Mizoram team member-te chu:-
Boy’s Team Girl’s Team
H. Lalthazuala Lalrinkimi
Vanlalpekhlua Sailo Lalrempuii
C. Lalramsanga Zoramthari
Sainunmawia Sailo
Malsawmhlua