Phaitual TT-a medal latu Jehoa
Abhay Prashal Stadium, Indore, Madhya Pradesh-a khelh mek 3rd UTT National Ranking Table Tennis Championships 2025 Men’s Singles category khel mi 362 zingah Mizo player Jeho Himnakulhpuingheta chuan semi-fnal thleng theiin, izoram tan a vawi khatna’n he inelna a ngaihhlut hlawh ber men’s singles-ah bronze medal a hlawhchhuak!
Quarter-final match-ah Sanil Shetty, PSPB chu deciding game-ah 11-9-a hnehin semi-final a lut a; Sanil Shetty hian Commonwealth Games leh South Asian Games-ah gold pahnih ve ve la tawhin, India tan international medal tam tak a lo la tawh bawk a, UTT league player ni pha a ni.
Semi-final-ah Jehoa hian national-ah pawh lo champion tawh leh kumin National Ranking Championship-ah pawh finalist lo ni tawh bawk Ronit Bhanja, RSPB tum lehin, game 2-4-in a chak ta lo a ni.
Jeho-a’n tun tournament-a a hnehte:
1st Match vs MALESH KUMAR Yadav (KRL) 3-0
2nd Match vs ABHIK Dhar (BNG) 3-0
3rd Match vs SAHNI Sameer (FCI) 3-0
4th Match (R64) vs BANIK Sujal (BNG) 3-0
5th Match (R32) vs MEHTA Jaynil (GUJ) 3-1
6th Match (R16) vs ARYA SARTHAK (ODS) 3-0
7th Match (QF) vs SHETTY Sanil Shankar (PSPB) 3-2
8th match (SF) vs Ronit Bhanja (RSPB) 2-4 (Loss)