Phaitualah Chhanhimi a chepui
March 23-29, 2023 chhunga Sree Kanteerava Stadium, Bangalaru-a zawh fel tura ruahman 4th Khelo India Senior, Junior & Youth National Ranking Women Tournament kal mekah Mizo weightlifter Lalchhanhimi chuan kg 76 huang women senior-ah gold medal a awrh a; Chhanhimi hian clean and jerk-ah national record thar (124 kg) a siam zui nghe nghe!
Tuntum hian char pawp (snatch)-ah kg 91 leh dara nghah zeta chawi chhoh leh (clean & jerk)-ah kg 124 chawiin, a total chu kg 215 a ni.
Mizo nula ritchawi chak Lalchhanhimi hian Fe-bruary mai khan 3rd Khelo India Senior Women-ah pawh gold medal lo hlawhchhuak tawh a ni.
Lalchhanhimi hi tunah hian National Centre of Excellence (NCOE) Bang-alore, SAI-ah a training mek a; Sports & Youth Services-te sponsor a ni.
Phaitualah Chhanhimi a chepui
