India rama hospital tha zual leh damlote tana him tehna, National Quality Assurance Standard (NQAS) hmanga endik an nih hnuin kumin September 12 khan Aibawk Primary Health Centre (PHC) leh Thingsulthliah Primary Health Centre (PHC) chu NQAS certificate pek an ni.
Thingsulthliah PHC hi chief medical officer Aizawl East District hnuaiah awmin medical officer hi Dr Thanmawii a ni. Aibawk PHC hi CMO Aizawl West District hnuaiah awmin MO chu Dr Zoliankimi Ngente a ni.
NQAS hnuaiah hian PHC endikna standard hi 50 awmin, heng standard hrang hrang hnuaiah hian endikna point hrang hrang 1419 a awm a. Hemi endikna point bakah hian hospital staff zawng zawngten interview an hmachhawn a ni. Damdawi in pahnih hi July 24-27 inkar khan Ministry of Health & FW tirh NQAS external assessor-ten an rawn endik a. Tehna hrang hranga tehnaah hian Aibawk PHC hian 89.38%, Thingsultliah PHC hian 84.78% a hmu a ni.
PHC pahnihin endikna paltlang
