Mipa naupang kum 13 mi, Bicester a cheng, Samrat Uprety chuan minute khat chhunga pheikhawk chherchhuan (shoe stacking) hnem thei ber record a siam a, pheikhawk paruk a chherchhuan thei. A hmaa hetiang record chu rawlthar kum 16 miin a siam niin, pheikhawk panga a chherchhuan thei.
Record siam tur hian pheikhawk chherchhuan tur chu a intiat vek hman a ngai a, a inchherchhuan awlsamna tur emaw, a inchherchhuan ngheh theihna tur emaw, thildang engmah hman phal a ni lo va, pheikhawk chherchhuan chu tlu mai lovin minute tal a inchherchhuan thei tur a ni bawk.
Samrat hi 1st Bicester Intrepid Sea Scouts member a ni a, a Scout badge ‘Personal Achievement’ atan record siam tur melhin Guinness World Record bu a keu vel a, chutah chuan minute khat chhunga pheikhawk chherchhuan (shoe stacking) hnem thei record hi hmuin, record thar a siam theih inringin a bei ve ta a ni.
Samrat chuan, “Record hi kan choka-ah ka siam a. Video-in kil hrang hrang atangin kan la a, slow motion leh a speed pangngaiin kan la bawk. A tirah chuan pheikhawk chherchhuan chu thil harsa vak turah pawh ka ngai lo a, mahse, rin aiin a lo khirh zek mai a, ka inzir ve ngial a ni,” a ti.
Pheikhawk chherchhuan tam thei record
