Missouri-a City Museum chuan pheikhawk hrui sei fahran mai an nei a, feet 2,729 a sei niin, Guinness World Records chuan khawvela pheikhawk hrui sei berah a puang. City Museum hi International Shoe Company building bula awm niin, The Shoelace Factory nena tangkawpin record hi an siam a ni.
He pheikhawk hrui sei hi The Shoelace Factory-a an khawl hmangin an phiar a, darkar 24 chhung an buaipui a, pheikhawk hrui pangngai nen a intiat a, pheikhawk-ah pawh hman tak tak theih a ni. He pheikhawk hrui sei hi an teh dawnah Eads Bridge-ah an zam kawi ngiai mai a, chutah chuan survey team-in a sei zawng an teh ta a ni.
Guinness kaihhruainaah chuan museum lam hian record siam turin he pheikhawk rui hi lazai phiar khawm ngei a ni tih an finfiah theih a ngai a, pheikhawk hrui thilnaah a leng ngei tur a ni bawk.
Pheikhawk hrui seiber
