England defender hlui Phil Jagielka chuan kum 41 mi niin eizawnna’na football khelh a bansan thu a puang.
Brazil rama 2014 Fifa World Cup khelh laia England centre-back Jagielka hian May 2000 khan Sheffield United-ah a professional debut tanin, England tan match 40 a khel tling a, ram tan 2014 World Cup bakah Euro 2012 a khel bawk.
Tarlan tak angin, kum 2000 khan Sheffield United-ah a professional career a tan a; a tum hnihna’na Bramall Lane-a akirleh hmain kum 12 chhung Everton-ah a khawsa bawk.
A career-ah Derby County leh Stoke City chu a club zinga a chhiar theih dang niin, season liamta tawp rual khan Stoke-in an chhuahtir a, tunah a chawlh thu hriat tur a awm zui ve ta a ni.
Jagielka chuan a playing career-a match 800 chuang a khelh thu leh thil tha zawng zawng hian tawp chin a neih thin avangin ani pawh a inhamtan reng thei ta bik lo tih a sawi a, ram tan leh club ropui tak tak tana khelh a lo mangphan thin a tihlawhtling thei ropui a tih thu a tarlang tel.
Phil Jagielka chawl ve ta…
