Phone a inbe rei thei tak tak an awm a, mahse, record siam khawpa inbe rei tur chuan beih ve fê a ngai ang, Guinness World Records-in phone a inber rei record-a an puan chu darkar 46 leh minute 12 leh second 52 a ni! Record siam tur hian an inbiak laia tawp thut, dial that leh tih vel kha a rem lo va, chhum lo chat lo a inbiak char char tur a ni a, second 10 aia rei inbe lo (a pakhat zawk zawk tawng lo) a awm a rem lo. Mahse, darkar khat inbiakah minute 5 zel tawng chawlh phalsak an ni ve thung.
He phone call rei record hi Eric R, Brewster leh Avery A. Leonard ten 2012-a an siam niin, record siam tur hian GWR guideline siamte pawh an zawm kim thlap a, ni hnih dawn an inbe char char mai a nih chu.
Hetiang deuh bawka phone-a mi be rei record dang hi a awm bawk a, chu chu Sunil Prabhakar-a’n 2009-a a siam niin, darkar 51 zet midang phone-in a bia a, mahse, ani record siamah hi chuan a mi biak te hi midang dang an intawng chhawk ve tung a, Eric leh Avery te record hi chu midang tel loin, an pahniha inbe ngar ngar an ni.
Phone a inbe rei record
