hone ruk bo leh tih bo palhah a chhuina hmanrua Central Equipment Identity Registry (CEIR) chu hmang tangkai turin police-ten mipui an chah.
Mizoram Police thuchhuak chuan, tunlaia mobile phone ruk leh hralhchhawn hluar zel tur venna atante, mipui himna tur leh dan kengkawhtute tana awlsam zawkna turin sawrkar laipuia Department of Telecommunication chuan IMEI data hmanga phone chhuina, Central Equipment Identity Registry (CEIR) dinin, Mizoramah pawh hman theih turin ruahman a ni tawh tih a sawi.
‘CEIR hi network operator hrang hrangte data khaikhawmtu niin, network pakhatin a blacklist tawh chuan network dang SIM card pawh vuah se, IMEI hmangin hman theih loha siam (block) leh chhui (track) theihna a ni a. Misualin kan mobile phone an lo ru emaw kan tibo palh emaw a nih chuan, block turin online in ceir.gov.in ah kan request thei a. Police Station-ah pawh CEIR hmanga block turin kan ngen thei bawk,’ a ti.
Hemi hnu hian heng phone bo hi hman tum an awm chuan CEIR hmang hian police-ten a phone awmna nen an chhuichhuak thei (location tracking) a ni tih an sawi a. CEIR hi hmang tangkai turin mipui an chah a, a tul dan ang zela pun theih turin police-te an awm reng tih mipui an hriattir thar tih an sawi a ni.