Mizo Photographers’ Society (MPS) chuan World Photography Day pualin Millenium Centre (Atrium) ah ni hnih awh turin thlalak tha an phochhuak.
Photo exhibition hawngtu Information & Public Relations director C Lalnunkima chuan photography atan nodal department an nih angin, theih ang angin photography hmasawnna atan programme an buatsaih thin a, hei hian an duh ang phuhru vek lo mah se, MPS-in theihtawp chhuaha photography hmasawn zelna atan an thawhna chu fakawm a tih thu a sawi. Mizoram hmun mawi tak tak an phochhuah chuan mite rilruah nasa takin hna a thawk tih a sawi a ni.
Photo exhibition-ah hian MPS member 39 kutchhuak thlalak 108 phochhuah a ni a, vawiin – August 20 thleng a awh. Mipuiin chhim turin an sawm a ni.
Mizo Photographers Society hi kum 2012-a din niin, tunah hian member 10 vel an awm.
Photography Day pualin MC-ah thlalak phochhuak
