Exercise lak that a, ei leh in uluk hi hriselna atan a pawimawh hle tih chu kan hre theuh. Mahse, tuna kan sawi tur hi chu i la hre ngai bikin kan ring lo, i awih lo zawk hial maithei, mahse, Times Of India health section-a mithiam te ziah a ni tlat bawk si.
Mithiam te chuan kan kutzungtang sei zawng hriselna lama harsatna kan tawh theih dan leh chumi avanga lo fimkhur lawk theih dan tur a hriat theih niin an sawi a, mahse, a chhan tak erawh an la hre bik lo a ni awm e. Chhiar rawh le:
1.Hmeichhia i nih a, i kutzungchal aiin i zungte u a sei zawk a nih chuan khup (knee) osteoarthritis neih theihna risk i nei sang tihna a ni a, i khup ruh tichak tura exercise i lak that a pawimawh a, a bik takin utawk sawh kan tih ang deuh chi exer i mamawh dawn a ni. I kutzungchal chu i zungte u aiin a sei zawk emaw, a inchen emaw a nih chuan risk lakah i him phawt e.
2. Ke sei zawng pawh a pawimawh tlat mai. I taksa phu lova i ke a tawi a nih chuan, bawp sei thlerh thlawrh te aiin thin (liver) natna neih theihna risk a sang zawk.
3. I ban (arm) sei zawng pawhin entir a nei. I ban chu mar takin sir lamah phar chhuak ve ve la, i zungtawng hmawr atanga a hmawr lehlam chu teh la, inches 60 aiin a tawi zawk a nih chuan Alzheimer neih theihna risk a sang. Chutiang chu i nih chuan thluak sawizawi lamah tan i lak a ngai a, guitar perh emaw, lam zir emaw chess khelh emaw te pawh a tha vek.
4. Chawn tawi pawhin entir a nei, i kaihza atanga i keartui chu inches 13 aiin a tawi zawk a nih chuan thluaka thisenzam chat/block (stroke) neih theihna risk a awm a, chuvangin nitin green tea in la, i thau te paih then tum ang che.
5. I bengkawm (ear lobe) hnung lamah vun chuar deuh bik emaw inrin emaw (wrinkle) a awm a nih chuan heart attack neih theihna risk i nei tihna a ni a, chuvangin i regular cardiovascular check-up i mamawh a, i rihna pawh in check uluk ang che.
6. I rim hriatna a that vak loh a, chawhmeh te pawh a rim atanga i hre hrang thei lo a nih chuan parkinson natna neih theihna risk i nei. Chuvangin i thluakin vitamin a mamawh ang te i ei that a ngai dawn a ni.
Pianzia atanga hrisel dan entirna
