Pistachios
Pistachios hi kan hre deuh vek awm e, mahse, kan tawngin hming dan kan put tir lo a nih hmel. Nut-ah pawh hriat lar pawl tak a ni a, a botany zawng chuan Anacardiaceae family an ni. A tui hle a, chumi piah lamah taksa hrisel nan pawh a tha hle.
Tun tumah hian Times Of India health section Pistachios thatna hrang hrang an tarlan te kan rawn chhawp chhuak e.
1. Vitamin B6 a pai hnem hle a, chu chu haemoglobin siamtu tha tak a ni a, chu chuan kan cell-a oxygen supply a tipung. Vitamin B6 chuan thisen bakah thisenvar (white blood cells) a siam chhuak a, kan taksain natna a dolet theihna a tichak thei. Vitamin B6 kan tlakchham hian kan taksain infection a doletna theihna a lo tlahniam thin.
2. Vitamin E a pai hnem avangin vun tan pawh a tha hle a, vun tar hma tur vengin, ni zung hlauhawm (UV rays) leh vun cancer tur pawh a veng thei.
3. Carotenoids chi hnih Zeaxanthin leh lutein a pai a, hetiang hi nut-ho zingah pai an tam lo hle a, khaw hmuh a tifiahin, mit tan a tha hle. Pistachios hian macular degeneration awm tur pawh a veng thei niin an sawi.
4. Phosphorus a pai hnem hle a, nitina phosphorus kan mamawh zat 60% vel a pai niin an sawi. Chuvangin diabetes tan a nitin pistachios thum khat vel ei ziah theih a tha hle. Glucose tolerance tan a tha a, protein te pawh amino acids-ah a chantir thei.
5. Chelosterol chhe chi, LDL, level a tihniam a, chutih rualin cholesterol tha chi, HDL, level a tisang ve thung. Hei vang hian lung lam natna hrang hrang risk a tihniam thei.
Pistachios
