Plastic atanga thil siam, hman tangkai tawh lohte hmanga power chakna siamchhuak thei nia insawi FC Tech Energy chuan Mizoram-a inbun an duh thu an sawi a. A thuphungin an dilna hi pawmsak an nih rualin, an inbun hma in anmahni hi zirchian hmasak phawt tum an ni.
Chief minister Lalduhoma kaihhruaia Ningania Empowered Committee on Investment thutkhawmah Mumbai-a inbun FC Tech Energy hian plastic waste atanga fuel cell leh sustainable energy an siam dan an sawifiah a. Mizoramah chutiang hmunpui chu din an duh tih an thlen. An ram mamawh tur ang, tui leh power an mamawh zat tur an sawi.
Committee hian a thuphungin FC Tech Energy dilna hi pawmsak phawt nise a ti a. Mumbai-a an hmun (plant) tlawh a, zirchian nise an ti. An ram mamawh zat pek theihna tur laite an sawiho bawk.
Khuanglenga Opickpure Private Limited-in Ginger Processing Unit an sak mek report a ni baswk a. Opickpure nen hian Mizoram sawrkar chuan 2025 September 20 khan inremna (MoU) an ziak a, company hian cheng vaibelchhe 2.50 sengin processing unit an sa a, an zo tep tawh.
Sawrkar chuan Investment & Industrial Policy angin an mamawh thenkhat a siamsak ve thung a. Sawrkar hmalakna pawh an zo thawkhat tawh a ni.
Plastic bawlhhlawh hmang tangkai thei turte inbun duh
