Plastic bottle chhin hawn thiam ui-in record siam
Texas a cheng Sathya Priya Easwaran chuan dachshund a vulh a, a hmingah Jerry a ti a. Jerry chu a fing riau mai a, minute khat chhungin plastic bottle 11 chhin a hawng thei a, record a siam.
Jerry hian a hain bottle chhin chu sehin a herhkual ve mai a, plastic bottle chhin te hi a seh chhe lo. Sathya chuan Jerry hian bottle chhin hawn ve hi a zirtir pawh ni chuang lovin ama tawkin a thiam ve ringawt niin a sawi a, “A pianpui finna a ni ve a niang. Bottle kan pek apiangin a chhin a awng zel a, kan zirtir pawh a ni lo, a talent ve a ni,” a ti.
Plastic bottle chhin hawn thiam ui-in record siam
