Pathianni zing khan NBA regular season khelh chhunzawm a ni a. San Antonio Spurs chu lakah an tlawm vangin Milwaukee Bucks chuan kum 10 chhunga a vawi khat nan playoff an khel phak dawn lo.
An khelh hnuhnung vawi 11 ah vawi kua tlawm tawh Bucks hian chak mamawh tak chungin San Antonio Sopurs an hmachhawn. Chak tumin tan khawh nasa viau mah se Spurs lakah hian point 95 chauh an thawkchhuak thei a. An khingpui ten point 127 lai an lo thawkchhuak bawk si a, hre hle mah se an tlawm leh ta nge nge a ni. Spurs lakah an tlawm vangin Bucks tan playoff khelh phak beisei tur a awm tawh lo. Bucks player pawimawh Giannis Antetokounmpo chu hliamin a tibuai a, a chawl deuh reng. Antetokoumpo chawlh chhungin an hnungtawlh nasa hman hle. Antetokoumpo hi lo let tawhin, game ruk khel zawn leh tawh mah se Bucks hi result tha a hlawhchhuahpui thei chuang lo.
Bucks in playoff an khelh phak loh laiin Spurs erawh an khel tha tluang viau thung a, Vawi riat an chak zawnna niin defending champion Oklahoma City Thunders nen Western Conference champion nih tumin an inel chhunzawm zel. Bucks leh Thunders hi season kal meka an record a la intluk chiah chiah rih.
NBA season kal mekah playoff khel tur zawnna hnuhnung play-in chu April ni 14 ah khelh tura ruahman a ni a. Play-in khelh tan atanga ni 4 hnu ah playoff khelh tan tura ruahman a ni bawk.
Bucks an hneh tum hian Spurs tan Stephon Castle chuan point 22 a thawkchhuak a, ball sawhlet vawi 10 a dawn bakah assist vawi 10 a nei tling bawk a, fourth season kal meka a vawi li nan triple-double a puitlin
Playoff khel phal lo Bucks
