Prime minister Narendra Modi chuan India ram chhunga Viksit Bharat Sankalp Yatra (VBSY) beneficiary-te chu inbiakhmuh theihna hmangin hun a hmanpui a. Ram chhung hmun hrang hrang atangin official-te leh beneficiary-ten chhimin, Mizoram atang pawhin Agriculture department hotute, department hrang hrang aiawh leh Krishi Vigyan Kendra (KVK) Kolasib ten an chhim.
Union Minister of Information & Broadcasting and Youth Affairs & Sports Anurag Thakur chuan inlawmna thu a sawi a. Karnataka, Chandigarh, Jammu & Kashmir, Bihar leh Gujarat atanga VBSY beneficiary thlanchhuah mi 5 chu Prime minister hian hmaihmaah a bia a. Hemi hnu hian thu a sawi a ni.
He hun hi ram chhung hmun hrang hrang atangin VBSY vans atangte, KVK thlanbikte leh Common Service Centre hrang hrang atangten Union minister, MP, MLA leh department hrang hrang hotute bakah tualchhunga mi challangten an chhim. Mizoram atanga chhim turin ATARI Zone-VII hnuaiah KVK Kolasib District thlan a ni a. ATARI Zone-VII zonal director Dr AK Mohanty leh Agriculture director VL Thlamuana bakah Kolasib-a department hrang hrang aiawhte leh loneitu thlan bikte, KVK Kolasib-a senior scientist & head Dr Michelle C Lallawmkimi leh staff-ten he hun hi an chhim bawk.
Viksit Bharat Sankalp Yatra hian a tum ber chu sawrkar flagship scheme hrang hrang – natural farming, soil health cards a dangte a hun chhungin a dawngtu tur dik takin a scheme an dawngin, a takin an kalpui ngei a ni tih hriatpui a ni.
PM-in central scheme thar chhawrtute hun a hmanpui
