PM in Tamil Nadu tanpui a tiam
Cyclone Fengal tuar mek Tamil Nadu state chu prime minister Narendra Modi chuan theihtawpa puih leh tanpui ngei a tiam niin sorkar thuchhuah chuan a tarlang.
Prime Minister Modi hian nimin khan Tamil Nadu chief minister MK Stalin chu khuarel chhiatna an tawrhna hrang hrangah inbiakna neihpui turin a ko nia sawi a ni.
Sorkar laipui chuan hemi chungchangah hian PM chuan tuilian leh khuarel chhiatna hrang hrang tuar nasa tak Tamil Nadu chu a theihna zawng zawngah puih ngei a tum niin a sawi a, hei hi CM Stalin-a’n puihna a ngen hnuah a ni.
Cyclone Fengal tuar mek Tamil Nadu chief minister MK Stalin hian National Disaster Response Fund (NDRF) atanga vaibelchhe 2000 pe chhuak turin sorkar laipui chu a lo ngen tawh a, an state chhiatna thleng chu a hmun ngeia enfiahsak turin a lo ngen tawh a ni.
Chief minister chuan he khuarel chhiatna thleng avang hian loneituten ram hectare nuai 2.11 an chan tawh niin a sawi bawk.
PM in Tamil Nadu tanpui a tiam
