PM Modi-a’ airport tihzauhna tur lung a phum
Prime Minister Narendra Modi chuan Pathianni khan West Bengal hmar lam Siliguri bula Bagdogra Airport tihzauhna tur lungphum a phum a, hei hi cheng vaibelchhe 1,550 senga sak a ni.
Varanasi-a function a neihna atanga PM Modi-a’n video conference hmanga a tlangzarh hi cheng vaibelchhe 6,700 man niin, development project 23 zinga mi a ni.
Bagdogra Airport-a civil enclave thar hian terminal building a nei dawn a, sqm 70,390-a zau a nih dawn bakah, peak hour passenger (PHP) 3,000 awm theihna tur a ni dawn a, kum khatah passenger maktaduai 10 vel phur thei a ni dawn niin official-te chuan an sawi.
Terminal building thar hi environment-friendly a ni dawn a, renewable energy sources te nen inzawmkhawm a ni ang a, natural lighting pawh a tam thei ang berin ecological footprint tih tlem a ni ang, an ti bawk. Union Cabinet chuan August thla khan he project hi a lo pawm tawh a ni.
Siliguri atanga km 14-a hlaa awm Bagdogra Airport hi West Bengal hmar lama tumhmun pawimawh tak a ni a, nitin thlawhna 60 vel leh passenger 8,000 vel an awm thin a ni.
Tun hnaiah point-of-call (PoC) airport atan ruat a ni a, Ministry of Civil Aviation phalna la hmasa lov pawhin he tumhmun hian international flight a thleng thei bawk a ni.
PM Modi-a’ airport tihzauhna tur lung a phum
