Union Finance Minister Nirmala Sitharaman-in kumin budget-a a lo sawi tawh angin education, agriculture leh health ah te ram pumah a taka hmasawnna a lo awm theih nan labs hawn belh a tul thu a lo sawi tawh a.
Prime Minister Narendra Modi chuan Zirtawpni khan “5G Use Case Labs” chu education, agriculture leh health lamah te hmasawn nana hman a nih theih nan zirna in 100-atan hman theih turin a hawng a, hei hian mamawh in pek tawnna tluang taka a kal theihna tur leh manufacture lama thil siam te a lo tih chak theih nan te a ruahman a ni.
PM chuan internet chak chuan nun a ti awlsam a, education, healthcare leh farming thlengin awlsamna a siam a ni, a ti.
Modi chuan, “High speed internet leh internet hman tura a awm hi thil tul tak a ni” tiin India Mobile Congress ah a sawi a, he %G labs hawnna hi kumin budget speech-a Union Finance Minister Nirmala Sitharaman thusawi bawhzuina a nih thu sawi a ni bawk.
Telecommunications department in he labs hi an dina central sorkar-in a senso atan za zela 80 a tum anga, hman a nih atanga kum li chhung senso zawng zawng 100% chu central sorkar-in a tum dawn a ni. Heng zirna in – Indian Institute of Technology, Indian Institute of Information Technology, National Institute of Technology leh Engineering Colleges dang te hian labs senso za zela 20 an tum ve dawn bawk a ni. Lab tinah hian faculty 10 zel leh zirlai 50 zel an awm dawn a ni.
Start-up atan a tlem ber ah 5 emaw, micro, small and medium enterprises te chu lab tinah awmin an thil siam te an ti hmasawnin an test dawn a ni. Lab tin te hian a tlem berah an siam chhuah emaw a tih thatna emaw 10 tal an nei tur a ni.
PM Modi-an 5G labs hmun 100-ah hawng.
