PM Modi YouTube account-in subscriber mtd 30 chuang nei tawh
Prime Minister Narendra Modi YouTube account chuan subscriber maktaduai 30 chuang a nei tawh a, khawvela ram hruaitu zinga he social media platform-a subscriber ngah ber a ni a, US President, Donald Trump aiin a let sarih vel zetin YouTube-ah chuan subscriber a ngah zawk.
Ram hruaitu zingah YouTube subscriber ngah lama Modi dawttu chu Brazilian President thin Jair Bolsonaro kha niin, PM Modi chu a pha lo hle tho a, Modi hian amah hnaih bertu aiin a let li velin YouTube subscriber a la ngah zawk tho a ni.
Indian politician zinga Modi han el pha deuh ber chu Rahul Gandhi a ni a, mahse, ani pawh hian Modi hi YouTube subscriber ngah lamah chuan a pha lo hle a, Modi hian Rahul aiin a let thum velin subscriber a ngah zawk a ni.
Modi hi social media platform dangah pawh a theuneu lo khawp mai a, Instagram-ah pawh follower maktaduai 100 a nei tling tawh a, khawvela ram hruaitu leh politician zingah Instagram-a hetiang zat follower nei tling thei hmasa ber a ni. Modi hian Instagram hi 2014 atangin a ti tan tawh a ni. X lamah pawh Modi hian follower maktaduai 106.3 a nei thei a ni.
PM Modi YouTube account-in subscriber mtd 30 chuang nei tawh
