Kerala, Tamil Nadu leh West Bengal te chu State leh Union territory 14 Union Education Ministry nena National Education Policy kalpuina tur hnuaia fund Rs 13,000 crore vel hu Centre-in State-run higher education te tana flagship scheme a siama Memorandum of Understanding (MoU) la ziak lo zingah an tel.
Opposition rorelna State te chuan MoU ziah hmain zawhna an neih thu sawi hlawmin he scheme Pradhan Mantri Uchchatar Shiksha Abhiyan (PM-USHA) hnuaia 40% lawih chu State tum tur a ni a, NEP reforms kalpui nan extra fund dah a ni lo bawk a. Centre chaun State thenkhat te nen inbiakna an kalpui mek thu a sawi bawk.
PM-USHA hi Ministry in State university hnuaia zirna tihchangtlun nana scheme a siam thar a ni a. Curricular leh programme thlak danglamin, teacher taining, physicial leh digitcal infrastructure, accreditation leh employability tihchangtlun lam hawi a ni a. Kum 2023-24 leh 2025-26 chhung aan Centre chuan he scheme atan hian Rs 12,926.10 crore a dah a ni.
MoU hi State leh UT tena remtihna pe a PM-SUHA scheme hmang tura thutlukna an siam ngei ngai a ni tiin University Grants Commission chairman M. Jagadesh Kumar chuan a sawi a. “States/UTs 22 ten MoU ah hming an ziah hnan tawh” tiin a sawi bawk a, State leh UT 14 te nen inbiakna neih mek a ni, tiin Prof Kumar chuan a sawi bawk a. Scheme-ah hian State tin te leh district tin te mamawh ang zela insiamrem theihna a a awm tiin a sawi bawk.
MoU hmang hian State chuan NEP a inziak te administrative, accreditation leh governance reform a kalpui ngei ngei a ngai a, chugn zingah chuan academic credit bank, entrry and exit flexibility te akah Samarth e-governance platform – State sorkar thenkhat tena an ngaihtheih loh deuh te pawh a tel.
“PM USHA hnuaia sum hman tur 40% chu State tum tur a ni a. NEP kalpui tur chuan State in sum tam zawk leh tanpuina Centre atangin a mamawh a ni. MoU chuan NEP hnuaia funding neih dan tur engmah a ziak lang lo” tiin Kerala Education Ministry a senior official chuan a sawi a. State thenkhatte chuan chetlak ho dan tur an ngaihtuah tia sawi a ni bawk.
Prof. Kumar thung chuan PM-USHA structure siam fel hma in inrawnkhawmna neih fo a nih thu a sawi a. “MoU ah hian scheme kalpui dan tur hrang hrangah clause siam a ni a. State tena rawtna an siam te hmangin NEP leh PM-USHA chu tha taka inthlunzawm a ni ang,” tiin a sawi thung.
UGC chairman chaun PM-USHA chuan scheme awm tawh State a higher education tihchangtlun nana siam Rashtriya Uchstar Shiksha Abhiyan (RUSA) vision chu a kalpui zel dawn a ti bawk.
PM-USHA a thutlukna la siam lo State 14
